Mariz Racal Masayang Ibinahagi Ang Kaniyang Naipundar Na Bahay
Mahalaga para sa atin ang pagkakaroon ng sariling bahay at isa nga ito sa talaga namang pinagsisikapang makamit ng karamihan sa atin. Sa panahon ngayon ay marami ng disenyo ang pwede nating mapagpilian at malaking tulong rin dito ang social media. Nauuso na rin kasi ngayon ang “house-tour vlogs” na kinagigiliwan ng mga netizens pati na rin ng mga celebrities.
Hindi nga magpapahuli dito ang aktres at singer na si Mariz Racal at sa kaniyang Youtube channel ay ibinahagi ng dalaga ang naipundar niyang bahay na katas ng pagtatrabaho niya sa entertainment industry.
Pagpasok sa bahay ay makikita ang isang kabinet kung saan nakalagay ang mga kagamitan na kailangang-kailangan natin sa panahon ngayon tulad ng hand sanitizers, f@ce mask at face shield.
Nakalagay ito malapit sa pinto para hindi makalimutan bago lumabas ng bahay. Mayroon ding malaking salamin sa pader na saktong-sakto kay Mariz dahil gusto niyang makita ulit ang kaniyang OOTD bago siya lumabas ng bahay. Nilagyan din nila ng paintings at ilang halaman ang lugar na ito bilang palamuti.
Mayroong hagdan paakyat sa ikalawang palapag at agad na bubungad sayo ang isang piano na katabi ang ilan pang koleksyon niya ng mga paintings. Dito din makikita ang living area ng aktres na agaw-pansin dahil sa combination ng kulay green at orange.
Ito ang mga paboritong kulay ni Mariz kayat ito rin ang napili niyang kulay ng couch. Samantala, mayroon ding entertainment room ang aktres at dito sila madalas mag-bonding ng kaniyang mga kaibigan at bisita. Ginawa naman niyang L-shape ang kanilang dining table at talagang na-maximize nito ang space ng bahay.
Sa ikatlong palapag naman makikita ang sariling kwarto ni Mariz at dito makikita ang ilan pa sa kaniyang mga koleksyon tulad ng iba’t ibang gitara na regalo pa sa kaniya ng mga fans.
Super happy nga si Mariz dahil na-achieve niya ang look ng kaniyang dream house at ito ay naging posible dahil na rin sa tulong ng designer na si Carell Garcia.
No comments