Sulyapan Ang Magarbong Dream House Ng Pambansang Bae Na Si Alden Richards
Nag-umpisa sa simpleng pangarap at hiling na maging maginhawa ang buhay. Ganito ang karamihan sa kwento ng ating mga kababayan na walang sawang nagsusumikap sa pagtatrabaho para maabot ang mga mithiin nila. Hindi nalalayo dito ang istorya ng “Pambansang Bae” na si Alden Richards o kilala rin sa totoo niyang pangalan na Richard Reyes Faulkerson Jr.
Bata pa lang ay mataas na ang kaniyang pangarap para sa kaniyang pamilya. Sa katunayan, sa edad na 29-years old ay marami na siyang pinagdaanan at napagtagumpayan. Maliban nga sa pagiging host ay isa rin siyang aktor, endorser, businessman at recording artist.
Talaga namang hindi pinalalagpas ni Alden ang mga pagkakataon na dumadating sa kaniya at ginagawa ang lahat para maibigay niya ang “the best” pagdating sa trabaho. Kaya naman hindi nakakapagtaka na mas lalo pang dumami ang kaniyang mga offer at dahil dito ay naisakatuparan niya ang pangarap na makapagpatayo ng “dream house ” para sa kaniyang buong pamilya.
Matatagpuan ang bahay ng aktor sa Laguna. Gustong-gusto niya ang lugar dahil para na rin itong probinsiya at maaliwalas ang paligid. Mas nakakapag-relax nga siya dito at kahit na malayo ito sa studio ng Eat Bulaga ay sinisikap niya taagang makauwi kapag may pagkakataon.
Sa tulong ng mga eksperto sa paggawa ng bahay ay naipatayo ni Alden ang kaniyang “home sweet home” at mismong siya rin ang pumili ng mga furnitures dito. Mayroon itong dalawang palapag at sa labas ng bahay ay mayroon silang Lanai area kung saan napapalibutan ito ng mga puno at maliit na landscape.
Isa ito sa mga paboritong lugar ng aktor at dito siya madalas mamalagi at mag-relax. Samantala, neutral colors naman ang ginamit ng aktor sa loob ng kaniyang bahay at ang kanilang sala ay napaka-elegante tingnan dahil sa mga puting sofa at kurtina. Halos katabi lang nito ang kanilang 8-seaters dining area na very classic din ang dating.
Samantala, ang kwarto naman ng aktor ay isang malawak na silid at mayroon ditong dalawang malalaking estatwa ni Iron Man na isa sa mga paborito niyang Marvel characters.
Talaga namang maganda ang naging bunga ng pagsusumikap ni Alden sa kaniyang trabaho at ngayon nga ay mayroon na siyang bahay na matatawag na kaniya.
No comments