Jackielou Blanco, Summer Ready Sa Kaniyang 14-Year-Old Throwback Photo!
Summer na summer na nga at halos lahat sa atin ay gustong-gusto ng pumunta sa beach o di kaya naman ay maligo sa swimming pool. Sa katunayan, halos punuan na ngayon ang mga resort at kilalang beach sa ating bansa tulad nalang ng Palawan at Boracay.
Samantala, hindi naman kumpleto ang summer getaway kung wala ang summer OOTD diba. Kaya naman kaliwa’t kanan rin ang nagiging preparasyon ng karamihan para maging beach ready din ang kanilang katawan at saktong-sakto sa OOTD na gusto nilang suotin.
Kaugnay nito ay pinagkaguluhan ngayon sa social media ang throwback photo ng batikang aktres na si Jackielou Blanco. Paano naman kasi super s3xy nito sa kaniyang suot na swimsuit habang masayang namamasyal sa beach. Ayon sa post ng aktres 14 years old pa lang siya noon at kasama niya sa bakasyon ang kapatid na si Monching at si Mommy Pilita Corrales.
“Carefree at 14!…at the end of the day I try to remember to be grateful for all the lessons learned along the way and to cherish every moment spent with family”, kwento ni Jackielou.
Samantala, hindi lang ito ang throwback photo na nagpakilig sa mga netizens dahil isa pang larawan ang ibinahagi ng aktres na naka-akit din sa mata ng publiko.
“Me in my first year highschool…”, dagdag pa ng aktres.
Kitang-kita sa larawang ito na malaki ang pagkakahawig niya sa kaniyang Mommy Pilita Corrales na noon pa man ay hinahangaan na din ng marami dahil sa kaniyang kagandahang taglay at talento. Simple lang ang mukha noon ni Jackielou at wala siyang suot na make-up kaya naman mas lalong lumitaw ang natural niyang ganda.
Sa ngayon ay mayroon ng sariling pamilya ang aktres at kung siya nga ang tatanungin, ito ang magiging advice niya sa kaniyang younger self.
“If I had a chance,I would tell myself to just enjoy and be open to new experiences…”, pahayag ni Jackielou.
No comments